Accueil > Amakuru > Mu makungu > CPI yantanguye amatohoza kuri umwe mu bakozi bayo
CPI yantanguye amatohoza kuri umwe mu bakozi bayo
samedi 13 Ndamukiza 2013
Sentare mpuzamakungu mpanavyaha yatanguye amatohoza ku bivugwa ko umwe mu bahoze ari abakozi bayo yoba yarakoreye amabi afatiye ku gitsina abantu yari ajejwe gukingira.
Ivyo ngo vyoba vyabereye muri republika iharanira intwaro rusangi ya Congo.
Bubaye ubwa mbere umuntu yahora akorera sentare mpuzamamungu yagirizwa kuba yarakoze amabi afatiye ku gitsina.
Izina ryiwe n’igihugu aturukamwo biracari ibanga.
Umuvugizi w’iyo sentare Fafi Abdullah yavuze ko sentare ifata ivyo bivugwa nk’ibintu bikomeye, ariko ko umuntu aguma ari umwere gushika yagiriwe n’icaha.
Joel Sengurebe
