David beckham n’umugore wiwe,abavyeyi b’akarorero

David Beckham asanzwe azwi cane murukino rw’umupira wamaguru kuri ubu biravugwa ko hamwe n’umugore wiwe Victoria Beckham bagize umuryango mwiza ugizwe n’abana 4 aribo Brooklyn w’imyaka 14, Romeo w’imyaka 10 Cruz w’imyaka 8 na Harper w’umwaka n’amezi indwi. Mumatora yagizwe na site yitwa Myvouchercodes.co.uk yerekanye ko uwo muryango ariwo ugizwe n’abavyeyi b’akarorero.

Mukubikora babajije abavyeyi 1300 bafise n’imiburiburi umwana w’imyaka itatu ; umugabo n’umugore bobabera akarorero. Baca bahuriza kuri victoria na David Beckham kuko ngo ni abavyeyi bakundana cane ubwabo ,bama hafi y’abana babo bakabitwararika nkuko vyagaragaye igihe Cruz yagira isabukuru y’imyaka 8 y’amavuka, kandi bakaba abavyeyi bagaragaza ubumwe bwabo imbere y’abana babo

Umuryango wa Beckham rero niwo wabaye uwambere mu majwi, hakurikira uw’umunyamideli yitwa Miranda Kerr n’umugabo wiwe yitwa Orlando Bloom. umuryango wa gatatu wabaye uwugizwe na Beyonce na Jay-Z.