Accueil > Inkino > FOOTBALL > Di Canio yirukanywe bivuye ku bakinyi
Di Canio yirukanywe bivuye ku bakinyi
mercredi 25 Nyakanga 2013
Abakinyi bakuru muri Sunderland babonanye n’umuyobozi mukuru w’uwo murwi, Margaret Byrne, bidogera umumenyereza Paolo Di Canio imbere y’uko yirukanwa.
Di Canio yagiranye inama ikaze cane n’umurw ku munsi w’Imana inyuma yo gutsindwa na West Bromwich Albion, 3-0. Inyuma yaho, abakinyi bakuru babwiye Byrne ko amazi amaze kurenga inkombe kubera ugutyoza no gutuka abakinyi bigirwa n’uwo mumenyereza w’Umutariyano.
Sunderland ifise inota rimwe gusa mu mikino itanu mu mahiganwa y’ubu, mu mikino y’icicaro ca mbere. Uwahoze amenyereza Chelsea na West Brom, Roberto Di Mateo bivugwa ko ari we ashobora gusubirira Di Canio, ariko Gus Poyet, Tony Pulis na Alex McLeish nabo bahabwa amahirwe.
Aristide Nizigire
