Accueil > Inkino > FOOTBALL > Didier Drogba agiye kuzokwibagisha mw’itako inkino zo muri Bresil (...)
Didier Drogba agiye kuzokwibagisha mw’itako inkino zo muri Bresil zegereje
vendredi 25 Ndamukiza 2014
Umukinyi Didier Drogba agiye kubarwa mw’itako, azokorerwa mu bitaro vy’ahitwa Doha muri Quatar. Ni mu gihe hasigaye ukwezi n’iminsi mikeyi kugira amahiganwa y’igikombe c’isi yose atangure.
![](local/cache-vignettes/L400xH276/drogba1-2-f15d1.jpg?1517388526)
Mu bitaro vy’i Doha mu gihugu ca Quatar niho umukinyi Didier Dogba agiye kubagirwa aho ukuguru guhurira n’amafyigo bita "aine" mu gifaransa. Ivyo bitaro bifitaniye amasezerano n’ishirahamwe ry’umupira w’amaguru ryo mu gihugu ca Cote d’Ivoire (FIF) kuva muri Nzero 2014. Muri ayo masezerano harimwo kuvura abakinyi kuva mu myiteguro y’igikombe gushika baheze.
Uwo musatirizi w’umurwi wa Galatasaray akaba na kizigenza w’umurwi nserukiragihugu wa Cote d’Ivoire agira aje kwa muganga kubagwa mu gihe hasigaye iminsi idashika ukwezi n’inusu inkino z’igihiganwa z’igikombe c’isi zigatangura mu gihugu ca Brésil.
![](local/cache-vignettes/L650xH400/130828110256-didier-drogba-2-single-image-cut-65da1.jpg?1517388526)
![](local/cache-vignettes/L641xH426/drogba-galatasaray-d4f6d.jpg?1517388526)
![](local/cache-vignettes/L594xH413/didier-drogba-fc-schalke-04-v-galatasaray--21lr9b7eurl-7f18d.jpg?1517388527)
Cherif Nkeshimana