Accueil > Amakuru > Mu makungu > Umuganga yanduye umugera wa Ebola muri Reta zunze ubumwe za (...)
Umuganga yanduye umugera wa Ebola muri Reta zunze ubumwe za Amerika
lundi 13 Gitugutu 2014
Umuganga (une soignante) yavura wa murwayi yitaba Imana mw’iyinga riheze i Texas, yanduye umugera Ebola. Abaye umuntu wa kabiri yanduye umugera wa Ebola atari ku butaka bwa Afrika.
Abategetsi muvy’amagara y’abantu muri Amerika bemeje ku munsi w’Imana ko umuganga yakorera ku bitaro biri i Texas, aho wa munya Liberia yicwa n’ico kiza yapfiriye, abaye uwam bere yanduye umugera Ebola muri Reta zunze ubumwe za Amerika. Bakavuga ko habaye ukudakurikiza neza ingingo mu bijanye no kwikingira kwandura uwo mugera.
Iyo nkuru ko hari uwundi yanduye, yavyuye ubwoba mu bijanye n’ubushozi ibihugu bifise mu gutuza ikiza gikomeye c’umugera Ebola muri Afrika y’Uburengero guhera mu mwaka w’1976, aho uwo mugera watowe, hamwe n’ingingo zafashwe zo kwikingira.
Ebola imaze kwica abantu bashika 4033 ku bantu 7 399 bapimwe mu bihugu 7, cane cane muri Guinée, Sierra Leone na Liberia, ariko kandi no muri Nigeria, Sénégal, Espagne na Reta zunze ubumwe za Amerika, nk’uko ishirahamwe mpuzamakungu ry’amagara y’abantu (OMS) ryabishikirije kw’igenekerezo rya 8 Gitugutu. Nta rucanco canke umuti uraboneka wo kurwanya ico kiza, candukira biciye mu biseseka biva mu mubiri (les fluides corporels) iyo umurwayi yamaze kugaragaza ibimenyetso vy’ubushuhe, kudahwa, ububabare no gucika intege.
Nadège Irakoze
