Accueil > Amakuru > Muri Afrika > Eritreya: Abasirikare bafashe imboneshakure
Eritreya: Abasirikare bafashe imboneshakure
lundi 21 Nzero 2013
Imboneshakure y’igihugu ca Eritreya yafashwe n’abasirikare kuri uno wa mbere igenekerezo rya 21 Nzero 2013.
Amakuru ava muri Eritreya avuga ko abasirikare bafashe inzu isanzwe ikoreramwo ubushikiranganji bwo kumenyesha amakuru bongera bahagarika ibiganiro vy’imboneshakure y’ico gihugu, iyo nzu ikaba iri ku mugwa mukuru w’ico gihugu Asmara.
Ayo makuru abandanya avuga ko ibimodoka binini binini vy’igisirikare bikikije iyo nzu,hamwe n’abasirikare barenga 200 bakaba basaba ko hoba ibihinduka mu bijanye na politike.Abaserukira ibihugu vyabo muri Eritreya bafise intebe zabo ku mugwa mukuru Asmara bamenyeheje ko ata masasu yumvikanye kandi ko igisagara gitekanye.
Amakuru y’imvaho ya ivyoba vyononekaye ntaramenyekana neza.
Mugisha Van Naris
