Erythree: Abashika 5000 barahunga igihugu ku kwezi

Abahinga b’ishirahamwe mpuzamakungu ONU bagize ubushakashatsi mu gihugu ca Erythree berekanye ko abanyagihugu bashika 5000 bahunga igihugu buri kwezi,kubera ibikorwa bisinzikaza agateka ka zina muntu bakorerwa.

Icegeranye cashizwe ahabona n’abahinga ba ONU kuri uno wa mbere igenekerezo rya 8 Ruheshi,kimenyesha ko ibikorwa vyibonekeza ahanini ari,ihagarikwa ridakurikije amategeko,ihohoterwa,ubwicanyi,n’ihohoterwa rifatiye ku gitsina.

Inyuma y’umwaka wose bariko barakora ubushakashatsi,abahinga 3 ba ONU,berekanye mu cegeranyo c’impapuro 500,ko intwaro ihari icinyiza abanyagihugu ibicishije mu guhagarika abantu,kubapfunga,kubahohotera ,kunyuruzwa ndetse bakicwa.

Abo bashakashatsi b’ishirahamwe mpuzamakungu ONU bamenyesha ko ibikorwa mu gihugu ca Erythree biboneka hake mw’isi,kandi vyoshobora no kuja mu gisata c’ivyaha bisinzikaza agateka ka zina muntu.

Inyuma y’abanyasiriya,abanyagihugu ba Erythree baza mu kibanza ca kabiri c’abava mu gihugu cabo bajabuka ikiyaga Mediterranee.