Accueil > Amakuru > Muri Afrika > Erythrée: Icegeranyo ca Amnesty International giteye amakenga
Erythrée: Icegeranyo ca Amnesty International giteye amakenga
vendredi 10 Rusama 2013
Abatavuga rumwe na Leta ntibahabwa ubwigenge bwo gukora, abamenyeshamakuru barahohoterwa, abari mu madini y’inkehwa baraburabuzwa...
Igihugu ca Erythrée cagirizwa kuba gipfunga abatavuga rumwe na Leta, aho abagera ku bihumbi cumi boba aribo bapfunzwe bazira imvo za politike, bakaba kandi bafashwe aho bari mu munyororo mu buryo butubahiriza kiremwa muntu.
Ivyo tukaba tubikura mu cegeranyo cashizwe ahabona n’ishirahamwe Amnesty International, kuri uyu wa kane igenekerezo rya 09 Rusama 2013, inyuma y’imisi mike gusa igihugu ca Erythrée kimaze gihimbaje imyaka mirongo ibiri iheze kironce intahe yo kwikukira.
Egide Nduwimana
