Espagne :Ibirori vyo kwibuka abahitanywe n’isanganya

Inyuma yaho habereye isanganya ry’igariyamoshi mu gihugu ca Espagne ryahitanye abantu barenga 80 ku mus iwa gatatu w’indwi iheze hafi y’igisagara,ibirori vyo kwibuka abo bahisi vyateguwe kuri uino musi, inyuma y’ukwagiriza umudereva wayo Francisco Garzon ko ariwe yariko atwara ku muvuduko munini.

Ivyo birori bikaba bijagutangura isaha imwe y’ijoro muri catedrale ya Yakobo Mweranda aho biza kuba bitewe iteka na’umukuru w’igihugu ca Espagne Mariano Rajoy, asanzwe ava muri ico gisagara cabereyemwo iryo sanganya, abashikiranganji batari bake hamwe n’umuganwa samuragwa. Francisco Garzon, afise imyaka 52 ,yarengutse kuri uyu w’Imana mw’ijoro imbere y’umucamanza. Akaba yagirijwe ivyaha 79 yahakwa gukora adashaka ariko akarekurwa mu gabo bashinze ijisho kugira barindire urubanza rwiwe.

Uwo mugabo akaba yari yahagaritswe inyuma ya nyasanganya rikomeye rya mbere ryabaye mu gihugu ca Espagne. Abashingwamanza hamwe na bamwe mu muryango wa Garzon ntaco bavuze kuri ivyo. Abantu bagera ku 70 bakaba bakiri mu bitaro 22 muri bo akaba bamerewe nabi cane.

Uwo mudereva yarumvirijwe nk’amasaha agera kuri 2 mu mwiherero. Ku bw’ibimenyeshamakuru, ngo yoba yemera ko yariko aratwara cane mugakorosi gato ahabereye iryo sanganya .