FONIC : Kuziganya uburyo mu kigega kugira ubutegetsi bukwiragizwe

Mw’itegeko ry’ubutunzi, Leta yemereye FONIC, ikigega c’iterambere ry’ama komine, uburyo bw’amafaranga, ku mutahe ikoresha ku mwaka ku mwaka. Ku bijanye no gukwiragiza ubutegetsi, ikigega FONIC carategekanije uburyo bw’amafaranga kugira imigambi ikorwa haziganijwe amafaranga ishobore gukorwa yose.

Kubwa Salomon Nsabimana umuhinga adasanzwe mu bijanye n’ubutunzi muri IDEC, igisata c’iterambere n’ubutunzi, gukwiragiza ubutegetsi bisigura guhagahana ubutware, ubutegetsi, uburongozi, kugena kurongora ibisata vya Leta mu ntumbero yo kuzana iterambere rusangi.

Guhanahana ubutegetsi ni inzira itegerezwa gukorwa kugira bagere kw’iterambere rusangi, yo nshimikiro nyamukuru.
Ku bw’ukungene FONIC isanzwe itunganya ubutunzi bwayo, ubutunzi bwayo bagubuwe mu mice ine : Amafaranga yagewe gukora imigambi yamaze kwerekanwa, ayagenewe iyitarerekanwa mugabo iteguwe, ayagenewe guteza imbere imigambi, amakomine aba yumvikanye gukorera hamwe n’ayandi y’imigambi ikomakomeye.

Ku rwego rwo gukwiragiza ubutegetsi, FONIC yategekanije uburyo bukwiye kugira ishitse amafarangara yategekanijwe gufasha abanyagihugu akongera akanabazanira n’iterambere. FONIC ifasha kandi ama komine ikongera igakurikiranira hafi uburyo amafaranga akoreshwa.

Ku rwego rwa komine naho, ikigega FONIC citaho cane mu gutanga amafaranga yo kwubaka amashure mu gushigikira inyigisho nshingiro no gutanga inyigisho ku bijanye n’isuku. Ikindi naco, uburyo butangwa ku migambi ihurijweko hamwe n’amakomine butuma haba iterambere rirama ry’igihugu. Ubu abarongoye ama komine bakaba bafise igikorwa gihambaye kugira ngo komine ishobore gutahira ivyo ikigega FONIC kiba cabafashije kuronka.