France : Umuryango wa Amedy Coulibaly utera ivyatsi ibikorwa vy’ubwicanyi vy’umuhungu wiwe

Inyuma y’aho umwe mu bantu bitwaza iterabwoba wo mu gihugu c’Ubufaransa yiciwe mu rudavagi rw’amasasu, umuryango wiwe wasohoye urwandiko.

Umuryango wa Amedy Coulibaly ugizwe na mama wiwe co kimwe na bashikiwe, bavuga ko ivyo umuhungu wabo yari yararoyemwo vy’ubwihevyi no kwica abantu, biri ku gatwe kiwe, ndetse uwo muryango ukaba waciye uhoza imiryango yose yabuze kubera ubwicanyi bwagizwe n’uwo mwana wabo. Uwo muryango uvuga ko wiyamirije ibitero vyose bigirwa n’abo bicanyi biyitirira idini ryabo rya Islam.

Mukamenya ko Amedy Coulibaly w’imyaka 32 yishwe kuri uyu wa gatanu uheze igenekerezo rya 9 Nzero, mu gitero cagizwe n’abajejwe umutekano b’aho mu Bufaransa, aho ukurasana n’abo bicanyi baba djihadiste bari bagizwe na Amedy Coulibaly, cherif kouachi na said kouachi bose bishwe mu rudavagi rw’amasasu.