France: Umushikiranganji w’ubutungane yagereranijwe n’inkende

Ikinyamakuru c’Ubufaransa gisohoka ku munsi ku munsi « Minute » cashikirije amajambo yivangura ry’urukoba hari kw’igenekerezo rya 13 Munyonyo 2013, aho cagereranya umushikiranganji w’ubutungane w’Ubufaransa Christiane Taubira n’inkende. Ayo majambo yanditse ku mpapuro z’inyuma z’ico kinyamakuru.

Kuri izo mpapuro z’inyuma handitse ngo : « Aciye ubwenge nk’inkede, Taubira narye imihwi ». Ivyo vyatumye haba amatohoza kugira Sentare izoshengeze ico kinyamakuru imbere y’ubutungane kubera ayo majambo. Ico kinyamakuru kiriko kigerageza gusubiramwo amajambo mabi, kiyahindura mu gukuramwo ayarimwo ibitutsi kugira kizoronke ivyo cireguza imbere y’ubutungane.

M. Jean-Marc Ayrault, umushikiranganji wa mbere,y isunze ingingo ya 40 yo mu gitabo mpanavyaha, yafashe ingingo ko ivyo vyashikirijwe n’ico kinyamakuru ari kurengera agateka ka zinamuntu bifatiye ku rukoba, asaba umushikirizamanza mukuru w’i Paris gufata mu minwe urwo rubanza.

N’aho amatohoza ariko araba, ntakiriko kirakorwa kugira hahagarare kugurishwa impapuro zirenga 40 000 z’ico kinyamakuru. Christiane Taubira nawe yanditse avuga ko ivyo ari ibiterasoni, kandi bibabaje ko gukura umuntu mu muryango w’abantu bakamushira mu bikoko. We n’abandi bo mumugambwe Front National biyemeje gushengeza ico kinyamakuru kugira n’abandi bafise ako gatima bahakure iciirwa.

Uwo Christiane Taubira ariko agereranywa n’inkende, yavukiye i Cayenne mu gihugu c’Ubufaransa, afise imyaka 61, n’umushinguzi w’ikimangu ca Reta akaba n’umushikiranganji w’ubutungane kuva kw’igenekerezo rya 16 Rusama 2012.

Umushikiranganji Christiane Taubira yagereranijwe n’inkende