Francine NIYONSABA yaronse ikibanza Uburundi bwaheruka mu mwaka 24 iheze

Umudari w’inzahabu mu kibanza ca mbere nivyo umunonotsi w’umurundikazi Francine NIYONSABA yatahukanye mw’ihiganwa ryabereye i Portland muri Reta zunzubumwe za Amerika. Ico kibanza Uburundi bwaheruka kukironka haheze imyaka 24.

Inyuma y’ugutsindira uwo mudari w’inzahabu, Francine NIYONSABA yabwiye Abarundi bose hamwe n’abakunzi b’inkino ati : « Abarundi mwese abakunda inkino n’abatazikunda sindaronka akanya ko kugira ico nshikirije kw’iteka naraye nteye Uburundi bwacu mu makungu. Ariko nzogira ico nshikirije ejo aho bukera. Murakoze.»

Muri iryo higanwa nyene, uwundi murundi, Antoine GAKEME, yatahukanye ikibanza ca kabiri mu basiganwa ku metero amajana umunani (800m).
Antoine GAKEME yirutse izo metero amajana umunani mu mwanya ungana na 1:46.65, ikibanza ca mbere kikaba cafashe umunyamerika Boris BERIAN yagize umwanya ungana na 1:45.83.

Umurundikazi Diane NIYUKURI nawe akaba muri iryo higanwa mpuzamakungu yatahukanye ikibanza ca gatatu.