Accueil > Amakuru > Muri Afrika > François Bozize yitwariye igihugu ca Tchad
François Bozize yitwariye igihugu ca Tchad
mercredi 3 Ndamukiza 2013
Uwahoze ari umukuru wa Repubulika Centrafrica, François Bozize, yitwariye igihugu ca Tchad kuba carafashije umurwi wamurwanya kumukura ku butegetsi haheze iminsi icumi.
Bozize yabwiye abamenyeshamakuru ko abasirikare karuhariwe bo muri Tchad aribo bateguye ibitero vya nyuma , birimwo n’igitero cakozwe ku basirikare bo muri Africa y’epfo bari muri Centrafrika, cumi na batatu muri bo bakahasiga ubuzima.
Leta ya Tchad ntaco iravuga kuri ivyo birego vya François Bozize.
Aho muri Tchad hateganijwe kuri uyu wa gatatu inama y’abakuru b’ibihugu vyo mu karere, izokwiga ikibazo co muri Repubulika ya Centrafrika.
Umukuru wa Afrika y’epfo, Jacob Zuma, vyitezwe ko azoba ari muri iyo nama.
Mariella Bukuru
