Hassan Rouhani : Nzoshitsa ivyo nemeye mu myiyamamazo

Mu kiganiro yatanze ubwa mbere kuva atsinze amatora mu kibanza c’umukuru w’igihugu wa Irani, Hassan Rouhani yamenyesheje ko ari igihe ciza co gukorana n’ibindi bihugu vya rutura kw ‘isi.

Ivyo akaba abikesha abanyagihugu bo muri Irani bamwizeye bakamutora.
Yashimiye cane imiyabaga kukwihangana kwabo. Umukuru w’igihugu mushasha akaba yamenyesheje kandi ko yifuza ko igihugu arongoye kigira imigenderanire myiza n’ibihugu bihana imbibe harimwo na Arabiya Saoudite kandi ko azoshira mu ngiro ivyo yemereye abanyagihugu bo muri Irani mu mwanya wo kwiyamamaza.