Accueil > Amakuru > Mu makungu > Hoba habonetse urucanco rukinga SIDA
Hoba habonetse urucanco rukinga SIDA
mercredi 30 Nzero 2013
Mu gisagara ca Maseille mu buFaransa : Urucanco ry’umugera ruhonyanganda SIDA ruzoronswa abantu bagera kuri 48 bagendana umugera wa SIDA mu kigo ICC( Investigarion Clinique de la Conception) nkuko vyamenyeshejwe kuri uyu wa kabiri.
Ikigo c’amagara y’abantu gikingira imiti(ANSM) caratanze uruhusha kw’igenekerezo rya 24 nzero muri uyu mwaka kugira batangure ico gikorwa cari catanguye igenekerezo rya 9 Munyonyo umwaka w’2012 n’ikigo co gukingira abantu(CPP).
Ikintu ca mbere urwo rucanco ruzofasha ni uko ruzoca rusubirira umuti witwa tritherapie wahora ufasha kuvura SIDA ku bantu imiriyoni 33 z’abantu baba kw’isi yose bagwaye umugera wa SIDA .
Gukingira SIDA nico kintu babona ko cofasha kurwanya umugera wa SIDA nk’uko umukuru w’ahakorerwa ubushakashatsi mu gisagara ca Marseille yabimenyesheje.
Icegerenyo c’ivyavuye muri urwo rucanco, kizomenyeshwa muri Ruheshi umwaka w’ 2015.
Urwo rucanco bari batanguye kurupimira ku bikoko nk’inguge(macaque) .
Grace Irimbere
