Ibiciro bigiye kuduzwa n’abacisha ibidandazwa mw’ibarabara RN7

Mu gihe ibarabara rya Bujumbura Bugarama ryugawe ku biduga bininibinini, abarangura ibintu bakabizana muri iyo miduga, bamenyesha ko bagiye kuduza ibiciro, kuko nabonyene bahomba baravye urugendo basigaye bagira, kugira bashobore gushika mu gisagara ca Bujumbura.

Abo bazana ibidandazwa rero, bakemeza ko abanyagihugu aribo bagiye kugira ingorane kw’iduga ry’ibiciro, narirya nabo bahomba baravye ko ibirometero birenga 350 vyiyongereye ku rugendo bahora bagira. Abagendesha iyo miduga rero, bakavuga ko kugira bashikire komine ya Musaga, bashobora guhagarara hafi amasaha 20. Abo barangura ibidandaza babizanye muri iyo miduga minini, babandanya bavuga ko ibarabara RN7 ribagora gucamwo, kuko riri kure uravye iyo baba baje bava.

Iryo barabara rya RN7, rikaba ryasabwe gukoreshwa n’ivyo biduga binini inyuma yaho ibarabara RN1 ryononekariye bivanye n’imvura yaguye ku wa 9 Ruhuhuma mw’ijoro, igahitana abantu n’ibintu mu gisagara ca Bujumbura no mu micungararo yaco.