Ibisasu i Baghdad vyahitanye abantu benshi

Urukurikirane rw’ibisasu vyaturikiye ku murwa mukuru wa Irake, Baghdad, vyahitanye abashika mirongo ine, maze bikomeretsa abarenga ijana.

Igipolisi kivuga ko ivyo bisasu vyaturitse bikurikirana cane, mu gisagara kibamwo abantu batandukanye, cane cane aba Islam b’aba Shia benshi. Muri ico gihe isoko ryuzuye abantu riri muri ico kibanza naryo nyene ryatu,berejwemwo ibisasu.

Urugero rw’ubwicanyi muri Irake rugeze ku rwego rutaribwahaboneke mu myaka itanu. Nkuko umumenyeshamakuru wa BBC ari i Baghdad abivuga, muri kuno kwezi honyene hishwe abantu bashika amajana ane.

Yavuze ko ibitero vyatumberejwe aba Shia co kimwe n’ibice bibamwo’inkehwa z’aba Suni,abanyagihugu rero bakaba bafise impungenge z’uko ubwicanyi bufatiye kw’idini bugiye kugaruka.