Accueil > Amakuru > Muri Afrika > Igisasu caraye gitewe i Goma buca Ban Ki-Moon ahagendera
Igisasu caraye gitewe i Goma buca Ban Ki-Moon ahagendera
jeudi 23 Rusama 2013
Igisasu caguye mu gisagara ca Goma gihitana umunyagihugu, abandi benshi barakomereka, mu gihe ingabo za Leta ya Congo zimaze gatatu zitana mu mitwe n’abarwanyi ba M23.
Muri izo ntambara zimaze imisi itatu, bakoresha ibirwanisho bikomakomeye.
Ugutangura kw’izo ntambara guhuriranye n’urugendo muri Congo rw’umunyamabanga mukuru w’ishirahamwe mpuzamakungu ONU, Ban Ki-Moon.
Ban Ki-Moon yitezwe aho mu gisagara ca Goma uno musi kuwa kane.
Izo ntureka zadutse ku munsi wa mbere mu buseruko bwa Goma, inyuma y’agahengwe kari kamaze amezi atandatu, mu gihe ishirahamwe mpuzamakungu ONU ryari rimaze kurungika aba mbere mu bagize inteko nshasha.
Izo nteko zikazoba zijejwe kwaka ibirwanisho imirwi yose irwanya Leta ya Congo.
Egide Nduwimana
