Accueil > Amakuru > Mu makungu > Igitero c’abiyahuzi mu buraruko bwa Afganistan
Igitero c’abiyahuzi mu buraruko bwa Afganistan
lundi 20 Rusama 2013
Kuri uyu wa mbere igenekerezo rya 20 Rusama 2013, abantu bagera kuri cumi na bane bishwe mu gitero c’abiyahuzi cabereye mu buraruko bwa Afganistan.
Abandi icumi bakomerekeye muri ico gitero bivugwa ko cakozwe n’abatariba cahitanye kandi uwuserukira inama y’amahoro muri ako karere.
Uwuserukira Inama y’amahoro mu ntara ya Baghlan yaciye ahungira ku biro bikuru biri i Pul-e khomri, inyuma y’ukubona uwo mwiyahuzi aturikije igisasu iruhande yaho yari.
Nk’uko vyavuzwe n’umukuru w’abapolisi muri ako karere, uwo mubisha yari yambaye umwambaro w’igipolisi.
Mohammad Rasoul Mohseni yari kw’isonga ry’ibiganiro hagati y’abanya Afganistani haraheze imyaka itari mike yarahatswe kenshi kwicwa. Ico gitero ciyemerewe n’abatariba.
Si irya mbere abasanzwe bari mu nama yo kugarukana amahoro bicwa. Mu kwezi kwa Nyakanga 2011, uwahoze atwara iyo nama, Rabbani yaguye mu gitero nk’ico c’ubwiyahuzi.
Prosper Ndayikeza
