Accueil > Amakuru > Muri Afrika > Igitero cahitanye abantu 11 i Mogadiscio
Igitero cahitanye abantu 11 i Mogadiscio
dimanche 5 Rusama 2013
Abantu baharurwa kuri cumi n’umwe nibo bahitanwe n’igitero cakozwe n’umwihevyi i mogadiscio mu gisagara ca Somaliya kuri uyu w’Imana.
Nk’uko vyashikirijwe n’igipolisi co muri Somaliya, uwo mwihevyi yinjije umuduga yarimwo utezemwo ama bombe muya Leta yari mu rugendo, ivyo bikaba vyabereye mw’ihuriro ry’amabarabara abiri.
"Ico gitero cahitanye abatari bake. N’ubu turacagenzura ivyononekaye, ariko abamaze kwitaba Imana bagera kuri cumi n’umwe », ivyo vyashikirijwe umwe mu bayobozi bo mu gipolisi, Mohamed Adan.
Umunyagihugu yari muri ico kibanza cabereyemwo ico gitero amenyesha ko yabonye ibiziga umunani, ariko ko abari mu muduga wa Leta ico gitero cari kigamije ataco babaye.
Egide Nduwimana
