Accueil > Ubutunzi > Iterambere > Iguides, uburyo bushasha bworohereza abanyamitahe bashaka kuza mu (...)
Iguides, uburyo bushasha bworohereza abanyamitahe bashaka kuza mu Burundi
jeudi 6 Ruheshi 2013
Ikigo ciyemeje guteza imbere abanyamitahe API cashize ahabona kuri uwu musi wa kane igenekerezo rya 06 ruheshi 2013 mu nyubakwa za city hill hotel urubuga ngurukanabumenyi rushasha rwitwa iguides.
Urwo rubuga ngurukanabumenyi www.theiguides.org/burundi ruzotuma abanyamitahe bo hanze bibonera bitabagoye amakuru yose akenewe ku vyerekeye ivyo kuzana imitahe yábo mu burundi.
Ayo makuru rero akaba yerekeye inzira zose zisabwa kugira umuntu ashobore kuzana umutahe wiwe ino mu Burundi,ibiciro bimwe bimwe ,ibisabwa mu vyerekeye amategeko agenga abanyamitahe ,ivyerekeye amakori n’ámatagisi,ukuntu inyubakwa zihari zimeze,amasezerano yakazi ngene yifashe mu burundi,amafranga inzu zipangwako bagereranije eka nibindi vyinshi bishobora kwereka uwo munyamitahe ,igihugu ashaka kuzanamwo umutahe uko kimeze
Harimwo kandi n’ivyerekeye uko imishahara yifashe mu burundi ,amafaranga ushobora gupangako inzu,ivyerekeye ikiguzi co kwiyunguruzako.
Ico gikoresho nyene iguides kiratuma umuntu abona izo ntambwe zose ashobora gucako nímpusha zose zisabwa mu gushinga amashirahamwe mu burundi.
Urwo rubuga nyene ngurukanabumenyi rurekana abantu bose , uwipfuza kuzana umutahe wiwe hano mu gihugu ashobora gucako.Hariho n’íkindi cuko kuri uwo muhora ushobora kubonako uturorero tw’amashirahamwe amwe amwe yazanye imitahe yabo hano mu burundi kandi vyabakundiye agakomera.
Floxella Karire
