Accueil > Amakuru > Utuntu n’utundi > Urukundo hagati ya Obama na Beyonce rwatanguye kuvugwa
Urukundo hagati ya Obama na Beyonce rwatanguye kuvugwa
mardi 11 Ruhuhuma 2014
Urugo rwubatswe na Barack Obama na Michelle rwoba rugomba gusambuka, bikavurwa ko boba batagicana uwaka kubera ukurenga ibigo kuvugwa kuri Obama. Hariko havurwa ko yoba afitaniye imigenderanire n’umuririmvyi Beyonce.}
![](local/cache-vignettes/L580xH364/966409-beyonce-et-barack-obama-580x0-2-14a5b.jpg?1517265528)
Mu kiganiro umwe muri bamwe bimba mu mizi amakuru «paparazzi» Pascal Rostaing yatanze ku nsamirizi ya Europe 1, yamenyesheje ko umukuru w’igihugu ca Reta zunze Ubumwe za Amerika Barack Obama w’imyaka 52 yoba afitaniye imigenderanire y’urukundo n’umuririmvyikazi Beyonce Knowles w’imyaka 32.
Ivyo rero bivurwa kuri Obama, nta nsamirizi canke ikinyamakuru kirabitangaza ku mugararo, ariko hariho ibintu bimwe bimwe Pascal Rostaing afatirako kugira avuge uko.
Pascal Rostaing yishimikiza imigenderanire isigaye yibonekeza hagati ya Obama na Michelle. Mu kiganiro Obama yigeze gutanga mu kinyamakuru c’indirimbo «Colby», yavuze ko yemera cane urukundo no gufashanya kuri hagati ya Jay-Z na Beyonce, ariko abasezanguzi b’amajambo bumvise ko uko kubashima hanini yashatse kuvuga ko ashima Beyonce.
![](local/cache-vignettes/L600xH404/obama-beyonce-jay-z-e60f1.jpg?1517265528)
Ikindi gishimangira imigenderanire ya Obama na Beyonce, n’uko igihe Obama yagira arahire ahejeje gutorwa yatoye Beyonce kugira abe ariwe yikora mu gahogo mu kuririmba ururirimbo ruhayagiza igihugu ca Reta zunze Ubumwe za Amerika, ahejeje kuririmba yaciye agenda ahari Obama, aramusoma bihagije. Kuva ico gihe, Beyonce yaciye aba umugenzi wa Barack na Michelle n’abana biwe.
N’ikimenyamenya n’uko igihe Michelle yahimbaza imyaka 50 y’amavuka, Beyonce yaragiye kumukeza yambaye agakanzu kagera hejuru y’intege. Pete Souza n’uwufata amasanamu yose ya Obama «Photographe de tous ses rendez-vous», ivyo bihe vyose Beyonce yaza ku kirimba yaguma amufata amasanamu. Igitangaza Pascal Rostaing n’uko ayo masanamu ya Beyonce ata n’imwe irangwa mu kirimba, bisigura ko Obama yazibitse ahadata.
![](local/cache-vignettes/L630xH481/beyonce_white_house-6c9ed.jpg?1517265528)
Pascal Rostaing atangaza ko uno munsi kuwa kabiri hahava hasohoka ivyemeza imigenderanire y’urukundo hagati ya Obama na Beyonce, biza gutangwa n’ikinyamakuru Washington Post.
![](local/cache-vignettes/L672xH448/yewe-29657.jpg?1550940512)
Chérif Nkeshimana
Messages
11 Ruhuhuma 2014, 11:31, par Kazoza
Nawe ni ikiremwa!Ashaka kwisazura!
11 Ruhuhuma 2014, 11:54, par Tollo
Ubwo nububeshi. Uyo muntu nugusevya.vyongeye.ntakuntu woba utwara abantu nkabariya ngo ureke kubacamwo gusa obama nawe nareke kuduteza urubwa yisubireho.ntatatanye urugo rwa jezy na beyonce.kuko yoba ahemutse.
11 Ruhuhuma 2014, 21:59, par Méthode
Ivyo bintu hamwe vyoba arivyo président Obama nahihebe kuko yoba amenye ibanga ry’abagabo kandi vyomuzanira ingaruka mbi.
11 Ruhuhuma 2016, 01:45, par ngendakumana leonidas
umuntu afimyaka52 nawe32 wunvatankumwanawiw.Ivyobint,arabirengeye.Nateshwate