Imirwi ya Libiya na Ghana izohura mu rukino rwa nyuma

Imirwi yahuye mu gice ca kabiri gishira ica nyuma yaraye ibiciye biracika, imirwi yashoboye kuzoshika mu gice ca nyuma c’inkino za CHAN 2014 iraca umugani.

Ku munsi w’agatatu, igenekerezo rya 29 Nzero, kuva isaha imwe y’ijoro «19h00»muri Afrika y’epfo hariko haba inkino za CHAN 2014 mu gice ca kabiri gishira ica nyuma. Imirwi ya Libye na Zimbabwe niyo yatanguye gukina. Ibintu ntivyoroshe ku kibuga c’i Free State Stadium kiri i Mangaung. Ntawovuga ngo hari umwana yari mu kibuga kuko iminota yagenewe urukino yarangiye ata murwi n’umwe urabona igitsindo, Umuhagarikizi afata ingingo yokubongera iminota yo kubatatura. Iminota 30 yabongeye yaheze ata kivuyemwo, bahava baja muvyo gutera «tirs au but», ari naho urubanza rwahavura rugacika. Ku bitsindo 5 vya «penalty»kuri 4 za Zimbabwe «5-4». Iyo ya nyuma iba irasezeye mu gice ca kabiri gishira ica nyuma.

Ivyashikiye iyo Libye na Zimbabwe birashusha n’ivyabaye hagati ya Nigeriya na Ghana. Iminota bongewe nta cavuyemwo, muri bimwe bita «tirs au but», Nigeriya yaciye ihamvya umurwi wa Zimbabwe, kuri «Penalty» 4 za Ghana kuri 1 ya Nigeriya «4-1»

Imirwi ya Libiya na Ghana izohura mu gice ca nyuma c’inkino za CHAN 2014. Hazoba ari kw’igenekerezo rya 01 Ruhuhuma 2014 i Cap