Ingabo z’Ubufaransa ziriteguye muri Centrafrika

I Doual amu gihugu ca Cameroun, hitezwe abasirikare bashika 350 b’abafaransa hamwe n’ibiduga vy’indwano eka n’indege, mu ntumbero yo gufasha kugarukana amahoro mu gihugu ca Centrafrika.

Abo basirikare bo mu gihugu c’Ubufaransa bazoja gufashanya n’abandi bo mu bihugu bimwe bimwe vyo muri Afrika nk’Uburundi n’ibindi, kugarukana amaho muri ico gihugu ca Centrafrika. Bakazoba bafise imiduga ikomeye, imiduga idatoborwa n’urusase imwe igendera imbere y’ibiduga vy’indwano bita blinde nk’uko bivurwa na capitaine Pierre de Briançon, arongoye uyo murwi wa mbere w’inteko z’abafaransa.

Abasirikare b’abafaransa bashika 200 bari mu gisagara ca Bangui, baja bashitse mu mpera z’iyi yinga twarangije baje gufashanya n’abandi guhagarika ubwicanyi bwari bwabaye ndanse muri ico gihugu, ubwicanyi abatari bake bagereranya nk’ihonyabwoko ryoba ririko riravuka muri ico gihugu ca Centrafrika.

Abasirikare b’abafaransa rero bagashobora kuzoshika ku 600 aho muri ico gihugu, aho bazoba barindiriye co kimwe n’inteko zo mu bihugu vy’Afrika ifirimbi kugira batangure kurondera intangondwa zigenda ziragandagura abantu ataco bazira, aho muri Centrafrika.

Zimwe mu ndege z'Ubufaransa

Abarwanyi ba seleka

Abarwanyi ba seleka ku birometero 75 vy'Igisagara Bangui