Accueil > Amakuru > Mu makungu > Itohoza mpuzamakungu ku bishwe na Drones
Itohoza mpuzamakungu ku bishwe na Drones
jeudi 24 Nzero 2013
Ibitero vy’indege zo mu bwoko bwa drones bigiye gukorwako itohoza birimwo ivyagabwe mu bihugu vya Pakistan, Afghanstan, Somalia na Yemen.
Umunyamategeko w’Umwongereza ayoboye umurwi ujejwe iryo tohoza Ben Emmerson, avuga ko uzotohoza ku bitero bigera ku 25, harimwo icagabwe na Leta Zunze Ubumwe za Amerika kuri Pakistan mu 2011.
- Indege yo mu bwoko bwa drone
Ico gitero kivurwa ko cahitanye abanyagihugu basanzwe bagera ku 40.
Bwana Emmerson avuga ko Leta Zunze Ubumwe za Amerika zitigeze zihakana korohereza abakora itohoza.
Yongeyeko ko ari itegeko hisunzwe amasezerano yubahiriza kiremwa muntu, gukora amatohoza ku bikekwa ko ar’ivyaha vyo mu ntambara.
Abajejwe gukora iryo tohoza bazoshikiriza icegeranyo cabo inama ya bose y’ishirahamwe mpuzamakungu mu kwezi kw’icumi.
Paterne Nsengiyumva
