Accueil > Inkino > FOOTBALL > Ivyashikiye Académie Tchité ntivyari bwabe muri kahise k’umupira w’i (...)
Ivyashikiye Académie Tchité ntivyari bwabe muri kahise k’umupira w’i Burundi
lundi 29 Kigarama 2014
Igice ca mbere c’inkino zihuza imirwi y’umupira w’amaguru iri mu cicaro ca mbere mw’ihiganwa rya Primus Ligue caraye kirangiye. Vital’o iracari kw’isonga, nayo Académie Tchité irangije igize ibitari bwigere biba mu mupira w’amaguru w’i Burundi.
- Umurwi wa Académie Tchité
Inkino za nyuma zarangije igice ca mbere (Aller) muri Primus Ligue zahuje imirwi ya Vital’o na Bujumbura City hamwe n’urukino rwahuje LLS4A na Volontaire. Vital’o yatsinzwe 1-0 na Bujumbura City, LLS4A itsinda Volontaire 3-1. Umurwi wa Vital’o urangije inkino za mbere uri kw’isonga n’amanota 34.
Umurwi wa Académie Tchité kuva ihiganwa rya Primus ritanguye nta nota narimwe ufise, mu nkino cumi na zitanu wakinye winjije kabiri gusa: ku ndwi y’indwi(7eme journée) yinjije kimwe itsindwa 4 na Prince Louis(7-1), Académie Tchité kandi yinjije kimwe itsindwa bine na Messager Ngozi hari mu rukino rw’indwi y’i cumi(10eme Journée).
Ibitsindo vyinshi Académie Tchité yinjijwe mu nkino za "Aller" muri Primus Ligue
Ku ndwi ya mbere y’ihiganwa, umurwi wa Académie Tchité wakinye na Muzinga iwutsinda bitandatu ku busa( Inter Star 6-0 Académie Tchité). Bukeye kabiri ku ndwi ya gatatu, Inter Star yatsinze Académie Tchité ibitsindo umunani ku busa(8-0). Ku ndwi y’indwi, Académie yatsinzwe bine na Messager Ngozi(4-1), bukeye itsindwa 5 na Vital’o. Ku ndwi y’icumi yatsinzwe na Prince Louis 7-1. Abakurikiranira hafi umupira w’amaguru w’Uburundi bavuga ko ivyashikiye umurwi wa Académie Tchité bitari bwabeho muri kahise.
Cherif Nkeshimana
