Iyimikwa rigira kabiri rya Prezida Barack Obama

Kw’igenekerezo rya 21 ry’uku kwezi kwa Nzero, Prezida Barack Obama azorahira mu mabanga yo gusubira kurongora igihugu.

Abanyagihugu baharurwa muma miliyoni bazoba bishikiye imbere y’inyubakwa ya Congres ya Amerika, aho bitegekanijwe ko Prezida Barack Obama azorahira mu mabanga yo kurongora igihugu mu kiringo ciwe ca kabiri, arico ca nyuma.

Abajejwe gutunganya ivyo birori vy’akataraboneka, bagize imisi barorera ukuntu imyimenyerezo y’abazogira uruhara mur’ivyo birori.

Bitegekanijwe ko Prezida Obama ashikiriza ijambo rikomeye, akongera akagaragaza intumbero hamwe n’imigambi ya reta yiwe.

Abahinga bakurikirana politike ya reta zunze ubumwe za amerika bavuga ko naho bibaza kw’azoshobora kurangura imigambi yiwe yose yishinze, ngo ibintu ntibizokworoha, kuko hari ibibazo bitari bike vy’ubutunzi hamwe n’imibano, bitaratorerwa umuti gushika ubu.