Accueil > Amakuru > Mu makungu > John Kerry yahuye n’abarabu i Paris
John Kerry yahuye n’abarabu i Paris
dimanche 8 Nyakanga 2013
Umushikiranganji w’imigenderanire n’amakungu wa Leta zunzubumwe z’’Amerika John Kerry ari guhura n’abashikiranganji b’imigenderanire n’ibindi bihugu bo mu bihugu vyo mu muryango w’abarabu i Paris mu Bufaransa, mu ngendo ariko arabandanya kugirira mu bihugu vya Buraya, aho ariko ararondera abobafasha mu kugira ibitero kuri Syria.
Kare mu kiganiro yahaye abamenyeshamakuru ari kumwe na mugenzi we w’Ubufaransa, Laurent Fabius, Kerry yavuze ko bamaze kubona imfashanyo nyinshi z’abashaka ko bagira ibitero vya gisirikare muri Syria, ahaherutse gukoreshwa ibirwanisho vy’uburozi, bigahitana abanyagihugu batagira ukwo bangana.
Ubufaransa burashigikiye Leta zunzubumwe z’Amerika kuri ico kibazo ca Syria, ariko ibindi bihugu vyo mu muryango w’ubumwe bwa Buraya, vyifuza ko babanza kuraba ivyavuye mu matohoza y’abakozi ba ONU, amatohoza yagizwe mu ntumbero yo kumenya uwakoresheje ivyo birwanisho vy’uburozi mu banyagihugu..
Aristide Nizigire
