Kanyombya agiye kwerekeza mu Bubiligi mu biteramo vy’ireresi yanditse

Ireresi “Bwenge naguhenze” yanditwe n’umukinyi Kayitare Ndjori azwi cane kw’izina rya “Kanyomvya”, mu nyuma y’uko ayishize ku mugaragaro mu gihugu ciwe c’Urwanda, ubu noneho agiye kwerekeza mu bitaramo hanze y’igihugu. Ubu ariko yitegurira kwerekeza ku mugabane w’iburaya, mu gihugu c’Ububirigi, mu nyuma y’aho ahave aza no mu Burundi.

Nk’uko umuririmvyi “Bizimana Belgine”, ajejwe gukurikirana ibikorwa vya Kanyomvya (Manager) yabiganiriye ikinyamakuru IGIHE, yavuze ko ubu ico bariko bitegurira ari ibiteramo bitandukanye vyo gushira iyo reresi ku mugaragaro, ahantu hashoboka hari abakunzi ba Kanyomvya, kuko abo bakunzi ba Kanyombya aribo nyene bavyisabiye.

Yagize ati : "Mu ntango z’ukwezi kwa cumi na rimwe, uyu mwaka, turiko twitegura kwerekeza ku mugabane w’iburaya, mu gihugu c’Ububirigi, tukazoba tugiye guteramisha no kwereka abakunzi bacu iyo reresi nshasha ya “Bwenge naguhenze”, ico giteramo kikaba categuwe na Kitoko Abudul aba mu gisagara co mu Bubirigi.

Naho Kanyombya we avuga ko ari iteka rikomeye kuba agiye kwerekana ubuhinga bwiwe ku mugabane wa burayi, akavuga ko yiteguriye kuzonezereza abakunzi biwe. Inyuma y’ivyo biteramo mu Bubirigi, Kanyombya amenyesha ko azoca aja i Bujumbura, hamwe mu bibanza avuga ko afiseyo abakunzi benshi.