Accueil > Amakuru > Muri Afrika > Kenya : Abanyagihugu basaba gukingirwa bidasanzwe ibitero vy’abihevyi
Kenya : Abanyagihugu basaba gukingirwa bidasanzwe ibitero vy’abihevyi
mardi 7 Ndamukiza 2015, par
Inyuma y’ubwicanyi bwakorewe b’abanyeshure bo kuri kaminuza y’i Garissa muri Kenya, abanyagihugu bahamagariwe kugira imyiyerekano kuri uno wa kabiri.
Iyo myiyerekano bakaba bayiteguye mu ntumbero yo gusaba abategetsi b’igihugu ca Kenya ko bobakingira bikomeye ibitero vy’abo bihevyi b’abashebabu. Ico gikorwa kikaba kibaye umunsi umwe inyuma y’aho igisirikare c’aho muri Kenya giteye ibisasu bikomeye ku makambi arimwo abashababu.
![](local/cache-vignettes/L480xH320/garissa-3-2a50f.jpg?1517526889)
Inyuma y’iyo myiyerekano yabereye i Nairobi iteguwe n’abo mu mashirahamwe adaharanira ivyicaro vya poritike, hakaba hategekanijwe amasengesho yo kurara barasabira abantu 148 bahitanywe n’ico gitero c’abihevyi.
Ariko rero, n’aho abanyagihugu bidoze bavuga ko abashinzwe umutekano batanyarutse gutabara, Reta yarahakanye ivyo birego, mbere muri Reta bakavuga ko ugutabara kw’abajejwe umutekano kwatumye ibintu bitayangara, nk’uko bishikirizwa na Manoah Espisu, umuvugizi w’umukuru w’igihugu ca Kenya.
Floxella Karire