Accueil > Amakuru > Muri Afrika > Kenya : amazina y’abakekwako gutera Westgate Mall yamenyekanye
Kenya : amazina y’abakekwako gutera Westgate Mall yamenyekanye
dimanche 6 Gitugutu 2013
Igisirikare ca Kenya cashize ahabona amazina y’abantu bane bakekwa kuba bari mu gitero c’abihevyi cabereye kuri Westgate Mall i Nairobi, kigahitana abantu baharurwa muri 67.
Ayo mazina yabo bagabo ni Abu Baara al-Sudani, Omar Nabhan, Khattab al-Kene na Umayr.
Nta zindi nsiguro zatanzwe kubiraba abo bagabo, ariko Kenya yigeze kumenyesha ko intagondwa ziri hagati ya 10 na 15 zari muri ico gitero.
Intagondwa zo mu murwi wa Al –Shabaab ziyemereye ko arizo zakoze ico gitero cabaye ku genekerezo rya 21 Nyakanga 2013.
Uwo murwi bivugwa ko ukorana n’uwundi murwi w’iterabwoba wa Al-Qaeda wavuze ko wakoze ico gitero kubera Kenya yarungitse abasirikare muri Somalia kuwurwanya.
Itangazwa ry’amazina y’abo bantu bane ribaye mu gihe amasanamu y’ivyuma ya bicunga umutekano yari amaze gushirwa ahagaragara yerekana abagabo bane bari muri ico gitero, bari bafise inkoho bariko bararasisha amasasu y’urutavanavanako.
IGIHE
