Kenya : Umukuru w’umwe mu misigiti y’abasiramu yagandaguwe

Umukuru w’umusigiti Sakina mu gihugu ca Kenya yishwe arashwe amasasu mu gisagara ca Mombasa, uwo nawe akaba yafatwa nk’umusiramu akomeye cane kandi akunda idini.

Cheikh Mohamed Idris, umukuru w’umusigiti Sakina, akaba yagirizwa kuba acuditse rwose n’abasiramu bo mu gihugu ca Somaliya bo mu muhari wa Al shabaab, ndetse akaba yari yaranatewe n’urwaruka rwinshi mu kwezi kwa Munyonyo umwaka uheze, ariko Imana irakinga ntaco yabaye.

Cheikh Mohamed rero akaba yari asanzwe yagirizwa na Reta ya Kenya ko ari mu bafashanya n’umuhari w’intagondwa wa Al shabaab, kandi ko na rumwe mu rwaruka ruja muri uyo muhari ari mu boba barufasha. Uwo yishwe rero, akaba kuva mu kwezi kwa Ndamukiza yagumye avuga ko yicura abashaka kumugandagura.