Kenya : William Ruto azoburanira i La Haye

Sentare mpuzamakungu mpanavyaha ku munsi w’ejo yaravuze aho ihagaze ku bijanye n’aho urubanza rwa William Ruto ruzoburanishirizwa.

Icegera c’umukuru w’igihugu ca Kenya William Ruto azotegerezwa kuburanira i La Haye mu gihugu ca Pays-Bas.

William Ruto yagirizwa ivyaha vy’agahomerabunwa mu bwicanyi bwakurikiye amatora yo mu mwaka w’2007, aho abanyagihugu barenga igihumbi bitavye Imana.

Ababuranira William Ruto bari basavye ko urubanza rw’ico cegera c’umukuru w’igihugu rwoburanishirizwa ahandi nko muri Kenya canke muri Tanzaniya, ariko ivyo bisabwa bikaba bitashobotse.

Mwomenya ko iyo vyemerwa ryari kuba ribaye irya mbere mu mateka ya sentare mpuzamakungu mpanavyaha, aho urubanza rw’ivyaha vy’agahomerabunwa ruciriwe ahandi atari i La Haye mu gihugu ca Pays-Bas.