Kirundo: Imbwa zarateye mu banyagihugu

Kuri uno wa gatatu itariki ya 2 Nzero 2013,imbwa zitaramenyekana iyo zavuye zarateye amakomine atandukanye y’intara ya Kirundo.

Nkuko amakuru yavuye aho mu Kirundo dukesha mugenzi wacu akorera iradiyo n’imboneshakure vy’igihugu Abraham Safari avyemeza,ngo izo mbwa zari nyinshi zoba zaje ziva mu gihugu c’u Rwanda.

Abajejwe intwaro mu Kirundo bakaba bamenyesha ko bariko baratunganya isekeza ryo guhiga izo mbwa,bakaba basaba kandi ko abo bose bazitunze bozigumiza imuhira bakongera bakazicandagisha.

Twobamenyesha ko izo mbwa zibonekeza mu ntara ya Kirundo mu gihe bihora bishika no muzindi ntara.