Accueil > Amakuru > Mu makungu > Koreya ya ruguru yakatiye Umunyamerika imyaka 15
Koreya ya ruguru yakatiye Umunyamerika imyaka 15
jeudi 2 Rusama 2013
Itangazo ryaciye mu kinyamakuru ca Leta ya Korea ya ruguru KCNA, rimenyesha ko Pae Jun-ho, azwi muri Amerika kw’izina rya Kenneth Bae, yakatiwe igifungo c’imyaka 15 kw’igenekerezo rya 30/04/2013.
Yafashwe umwaka uheze mu kwa cumi na rimwe, yinjiye mu gihugu nk’umukerarugendo.
Leta ya Pyongyang imenyesha ko yagirizwa ivyaha vyo kurwanya ubutegetsi.
Ibi bije mu gihe imigenderanire hagati ya Korea ya ruguru na Leta zunze ubumwe za Amerika isanzwe itifashe neza; kuva aho Korea ya ruguru igerageje incuro gatatu, ibisasu vyayo vya missile.
- Bae Kenneth, yafatiwe muri Korea ya ruguru
Ibinyamakuru vya Korea ya ruguru mur’iyi ndwi vyatangaje ko bwana Pae yiyemereye ivyaha aregwa birimwo gushaka gutembagaza ubutegetsi.
Sentare nkuru y’igihugu yamukatiye imyaka cumi n’itanu y’ibikorwa biruhisha.
Bwana Pae w’imyaka 44, yinjiye muri Korea ya ruguru mu kwa 11 umwaka uheze aho yafatiwe ku kivuko co mu muji wa Rason, agace gakomeye mu butunzi bwa Korea ya ruguru, kari hafi y’urubibe n’Ubushinwa
Victor Aime Kwizera
