Accueil > Amakuru > Mu makungu > Oklahoma: Umurwi ujejwe gutabara warangije igikorwa cawo
Oklahoma: Umurwi ujejwe gutabara warangije igikorwa cawo
mercredi 22 Rusama 2013
Umukuru w’umurwi ujejwe gutabara, Gary Bird avuga ko yemeza kuri bice mirongo icenda n’umunani kw’ijana (98%) ko ata muntu agishobora gutorwa mu bihomoka, yaba muzima canke ikiziga.
Ico gihuhusi cahitanye abana icenda, basanze carimwo agashururwe ka mbere gakomeye.
Cari gitekeye imiyaga irenza umuvuduko wa kilometero 320 kw’isaha, aho cakubuye kigatongora igisagara ca Moore, ku nkengera za Oklahoma.
Buramatari wa Oklahoma, Mary Fallin yavuze ko abapfuye bashobora kuba ari 24, kuko hari ibiziga bishobora kuba vyashotse bijanwa mu mazu yo kubitegura imbere yo gushingurwa.
Ibiziga vyavugwa ko ari 51 vyongeye gusubirwamwo guharurwa, igihe umuganga amariye kumenyesha ko hari abazize ico gihuhusi boba baharuwe kabiri.
Joel Sengurebe
