IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Amakuru > Amashuri > Kutarungikwa kunonosora ivyigwa hanze nivyo vyatumye bahagarika (...)

Kutarungikwa kunonosora ivyigwa hanze nivyo vyatumye bahagarika ivyigwa

lundi 11 Myandagaro 2014

Imvugo yabaye ingiro, ba banyeshure biga mu gisata c’ubuvuzi muri kaminuza y’Uburundi bakeneye kuja kunonosora ivyigwa hanze, bahagaritse ivyigwa nk’uko bari bagabishije, bamenyesha ko batashimishijwe na gato n’insiguro zatanzwe n’umuyobozi wa kaminuza y’Uburundi.

Kuri uno wa mbere, igenekerezo rya 11 Myandagaro, abanyeshure biga mu gisata c’ubuvuzi bakeneye kuja kubandanya amashure yabo hanze (troisième cycle) bahagaritse ivyigwa. N’aho ubuyobozi bwa kaminuza y’Uburundi bwari bwatanze insiguro ko habaye ikibazo c’uburyo, mbere ubuyobozi bwa kaminuza y’Uburundi bukaba bwari bwasavye abo banyeshure ko bokwihangana bakaguma mu mashure kuko uburyo buriko buraronderwa, abo banyeshure bamenyesha ko batashimishijwe n’insiguro zatanzwe n’umuyobozi wa kaminuza y’Uburundi Gaston Hakiza, ari nayo mpamvu bavuga ko bahisemwo guhagarika ivyigwa.

Tubamenyeshe ko abo banyeshure bahagaritse ivyigwa, bagiriza ubuyobozi bwa kaminuza y’Uburundi ko bwahagaritse kubarungika kunonosora ivyigwa hanze, bakavuga ko imyaka ibiri yose irangiye batarungikwa ,kandi babifatiye uburenganzira. Mu rwandiko bari basohoye mu ntango z’iyi ndwi twarangije, abo banyeshure bari batanze iminsi itanu, kugira ikibazo bafise kibe catorewe umuti, atari uko naho bari bamenyesheje ko baca bahagarika ivyigwa, nk’ uko vyari vyashikirijwe na Pacifique Njejimana, umwe muri abo banyeshure.


Floxella Karire

Messages

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.