Accueil > Amakuru > Mu makungu > Leta zunzubumwe z’Amerika zahaye Syria indwi imwe
Leta zunzubumwe z’Amerika zahaye Syria indwi imwe
lundi 9 Nyakanga 2013
Umushikiranganji w’imigenderanire ya Leta zunzubumwe z’Amerika n’amakungu, John Kerry yavuze ko Amerika ishobora guhagarika ibitero vya gisirikare igiye gutera igihugu ca Syria niba Assad umukuru w’igihugu ca Syria yemeye gushira hasi, agashikiriza ibirwanisho vyiwe vy’uburozi mu gihe kitarenze indwi imwe.
Ariko Assad ivyo asa n’uwutavyumva. John Kerry yabivuze ivyo ashitse i Londres mu gihugu c’Ubwongereza ku munsi wa nyuma w’urugendo rwiwe mu bihugu vya Buraya, aho yagerageza kurondera abo bafasha muri ivyo bitero. Uburusiya na Syria ariko basavye Amerika kuronderera ibiganiro mu babafasha mu biganiro vy’amahoro aho guharanira ibitero vya gisirikare.
Amaze kubonana na mugenzi we wa Syria i Moscou, umushikiranganji w’imigenderanire n’ibindi bihugu, Sergei Lavrov yavuze ko inyishu ya politike ishoboka.Yagabishije Leta zunzubumwe z’Amerika ko ibitero ya gisirikare bizokwongereza iterabwoba. Umushikiranganji w’imigenderanire wa Syria, Walid al-Moualem we yavuze ko Amerika iriko ishigikira abagira iterabwoba.
Joel Sengurebe
