Accueil > Inkino > FOOTBALL > Luis Suarez akiri mu bihano yahinduye umurwi akinira
Luis Suarez akiri mu bihano yahinduye umurwi akinira
samedi 12 Mukakaro 2014
N’aho akiri mu bihano vy’amezi ane adakina kubera yariye amenyo Giorgio Chiellini mu rukino rwariko ruhuza igihugu ca Uruguay n’Ubutariyano mu nkino z’igikombe c’isi yose, umukinyi w’igihangange akomoka mu gihugu ca Uruguay, Luis Suarez, yahinguye umurwi akinira.
![](local/cache-vignettes/L263xH268/rez-4d560.jpg?1517410660)
Umugwi wa Liverpool wo mu gihugu c’Ubwongereza Luis Suarez yahora akinira wemeje ko wamugurishije ku murwi wa FC Barcelona wo mu gihugu ca Espagne, ku mafaranga ashika hafi imiriyoni 128 z’amadorare, ni ukuvuga imiriyaridi 19 n’imiriyoni 980 mu mafaranga y’amarundi. Inyuma y’amasezerano u’ubuguzi, Luis Suarez yamenyesheje ko avuye muri Liverpool atabishaka kuko yakunda uwo murwi, kandi akemeza ko azoguma awushigikiye. Ariko rero, Luis Suarez ararwa akagaruka, akavuga ko n’ukuja gukinira umurwi wa FC Barcelona atavyakiriye nabi, kuko gukina muri Espagne yamye ariyo ndoto yiwe.
Luis Suarez w’imyaka 27 yari amaze imyaka itatu mu gihugu c’Ubwongereza, akinira umurwi wa Liverpool. Ni umukinyi akundwa n’abarorerezi benshi b’umurwi wa Liverpool, naho rimwe na rimwe akunze guhagarikwa gukina kubera amakosa akora, nk’ibikunda kumubonekano, aho aryana amenyo mu kibuga.
![](local/cache-vignettes/L600xH300/sua-2-6b498.jpg?1517410660)
Egide NDUWIMANA
Messages
13 Mukakaro 2014, 00:55, par Methode
Karibu dusuke equipe yacu