M23 izokwitaba ibiganiro i Kampala

Ibiganiro ntibiratanguzwa muri Repubulika iharanira intwaro rusangi ya Congo, ariko icizere camaze kuboneka.

M23 yamenyesheje ko kuw’Imana igenekerezo rya 9 Ruheshi 2013 bazorungika mu gisagara ca Kampala abawuserukira baje gusubira ibiganiro na Leta ya Repubulika iharanira intwaro rusangi ya Congo.

Bertand Bisimwa, umukuru wa M23 yatangaje ivyo mu gihe i Goma hacungerewe n’inzego za Monusco zaje gutuza imirwi irwana iri muri ako karere. Bertrand Bisimwa, umukuru wa M23 akamenyesha ko ata sano riri hagati y’ukwo kwemera ibiganiro n’izo ngabo za Monusco ziri i Goma. Yivugiye ati : « Twamye duhitamwo ibiganiro. Twahisemwo impanuro z’amakungu. »