Mali: Abafaransa bamaze kwinjira mu gisagara ca Diabaly

Inyuma y’indwi yari iheze igisagara ca Diabaly kiri mu minwe y’abarwanyi b’aba islam,abasirikare b’abafaransa bagiye mu gihugu ca Mali bashitse muri ico gisagara.
Imodoka zitari nkeya zabonetse zaraturiwe n’amasase yatewe n’indege za gisirikare mu gisagara ca Diabaly.

Abasirikare b’ubufaransa bari kumwe n’abasirikare ba Mali,binjiye muri ico gisagara ca Diabaly bari mu rukurikirane rw’imodoka z’igisirikare.Amakuru ava muri Mali amenyesha ko abarwanyi bavuye mu gisagara ca Diabaly inyuma y’ingwano ikaze yamaze indwi aho humvikanye amasase menshi yaraswa n’indege za gisirikare.

LetA y’u Bufaransa rero yamenyesheje ko,umugambi wayo ari uwo gusubiza abarongoye igihugu ca Mali agataka kose k’igihugu.