Accueil > Amakuru > Muri Afrika > Mali: Abasirikare b’Ubufaransa binjiye Kidal
Mali: Abasirikare b’Ubufaransa binjiye Kidal
mercredi 30 Nzero 2013
Abasiriakare b’Ubufaransa barwana n’abarwanyi ba ki Islam muri Mali bavuga ko binjiye mu muji wa Kidal, uwanyuma abo barwanyi bari basigaranye.
Umuvugizi w’igisirikare c’Ubufaransa muri Mali yavuze ko ibikorwa bikibandanya.
Ariko umunyamakuru wa BBC ari muri Mali avuga ko amakuru baronka abemeza ko abasirikare bamaze gufata igice kiri ku kibuga c’indege, ngo ariko ntibiramenyekana neza nimba bari imbere mu muji.
Hari n’abavuga yuko abo barwanyi bakorana na Al Qaeda, bamaze kuva muri uwo muji.
Mu ndwi iheze, abasirikare b’Ubufaransa bafashe iyindi miji ibiri mu buraruko ariyo Gao na Tombouktou, bitabagoye na gato.
Ngoti Nadege
