Accueil > Amakuru > Muri Afrika > Mali: Abihevyi bateye ibisagara bibiri
Mali: Abihevyi bateye ibisagara bibiri
vendredi 10 Rusama 2013
Ibisagara bibiri vyo mu gihugu ca Mali: Ménaka na Gossi vyatewe n’abihevyi mu gatondo ko kuri uyu wa gatanu igenekerezo rya 10 Rusama 2013.
Muri abo bihevyi, abaharurwa kuri bane nibo basandavye, abasirikare babiri nabo barakomereka.
Mu gisagara ca Ménaka kiri ku birometero amajana atatu mu buseruko bwa Gao, igitero ca mbere cari kigamije ikambi y’abasirikare bo muri Nigeriya ariko Imana yakinze, abahitanwe n’ico gitero muri ico kibanza ni abo bihevyi gusa, nk’uko vyamenyeshejwe n’abasirikare bo muri Nigeriya na Mali bari muri ico kibanza.
Igitero ca kabiri cabereye i Gossi, ku birometero ijana na mirongo umunani na bitanu mu burengero bwa Gao: abihevyi batatu nibo bahasize ubuzima, abasirikare babiri bo mu gihugu ca Mali nabo barahakomerekera.
Egide Nduwimana
