Mali: Intambara zirabandanya hafi y’igisagara ca Gao

Jean Yves, umushikiranganji w’ukwivuna abansi w’igihugu c’Ubufaransa yamenyesheje ko abasoda bo mu gihugu ciwe babandanya kugwana muri Mali nk’uko amakuru duhabwa na bagenzi bacu ba BBC babivuga.

Ivyo rero bikaba vyashikirijwe na Le Drian ku nsamirizi imwe mu gihugu c’Ubufaransa aho yatanga ibitigiri bishasha vyerekana ko abagwanyi b’intagondwa z’aba Islam bamaze kwicwa mu ndwi zitatu baharugwa mu majana.

Umushikiranganji wo kwivuna abansi w’Ubufaransa aranemeza kandi ko intambara zikomeye ziriko zibera hafi y’igisagara ca Gao.

Abasirikare b’Ubufaransa bafadikanije n’abasirikare b’igihugu ca Mali bakaba barirukanye abagwanyi bari bigaruriye ico gisagara, haraheze iminsi yababa cumi.