Mali: Le Drian arashima ubutwari bw’abasirikare b’Ubufaransa

Umushikiranganji wo kwivuna abansi w’Ubufaransa Jean-Yves Le Drian aho ari i Gao muri Mali, arashima ubutwari,igikorwa,kurinda hamwe n’ubwitange bw’abasirikare b’Ubufaransa bari muri Mali.

Nk’uko amakuru dukesha itororokanirizo ry’amakuru ry’abafaransa AFP, kuri uno wa kane igenekerezo rya 7 Ntwarante, igihe yari ahejeje guca mu karere ka Ifoghas, ahabereye indwano zikomeye hagati y’abasirikare b’Ubufaransa bari kumwe n’abasirikare bava mu bihugu vya Afrika n’intagondwa z’aba islamu,Jean-Yves Le Drian yavuze ko anezerezwa cane no kuba ari umushikiranganji akorana n’abasirikare bitwara nk’abo basirikare bari muri Mali.

Ku kibuga c’indege,igihe yahashika,yakiriwe n’umukuru w’ibiro vy’abasirikare muri Mali,General Ibrahim Dahirou Dembele,hamwe n’abasirikare bababa 250 b’abafaransa baririmbanye nawe ururirimbo ruhayagiza igihugu c’Ubufaransa.

Muri urwo rugendo yagize atabiteguje,Le Drian bitegekanijwe ko azobonana n’umukuru w’igihugu ca Mali w’infata kibanza Dioncounda Traore n’umushikiranganji wa mbere Diango Cissoko.