Mali: Leta zunze ubumwe za Amerika zarungitse indege

Indege za gisirikare z’abanyamerika zaratanguye kwunguruza abasirikare b’abafaransa hamwe n’ibikoresho vyabo muri Mali

Iyi ni imfashanyo Reta zunze ubumwe za Amerika ziriko zirafasha igisirikare c’Ubufaransa mu kurwanya abarwanyi b’idini rya islamu bigaruriye uburaruko bwa Mali.

Umuvugizi w’igisirikare ca Reta zunze ubumwe za Amerika yaramenyesheje ko indege zibiri zashitse ku kibuga c’indege co ku murwa mukuru wa Mali Bamako zivuye muri Istres mu bumanuko bw’u Bufaransa mu gihe hategekenywa izindi ngendo mu minsi iri imbere.

Reta zunze ubumwe za Amerika ni imwe mu bihugu bifasha mu gutanga ibikoresho ku basirikare muri Mali haheze indwi zibiri.