Mali : Urupfu rw’abasirikare 50 nirwo rwatumye atanga imihoho

Inyuma y’aho abasirikare bagera kuri 50 biciwe abandi barenga 40 bagakomereka cane mu mirwano yahuje igisirikare ca Mli n’abarwanyi baba touareg, umushikiranganji wo kwivuna abansi yatanze imihoho.

Muri iyo mirwano bivugwa ko yaguyemwo n’icegera c’umushikiranganji wo kwivuna abansi wa Mali, abarwanyi baba touareg boba bateze umutego abo basirikare, benshi muri bo bagaca bahasiga ubuzima. Naho umushikiranganji adatanga neza imvo z’itanga imihoho ryiwe, urupfu rwabo 50 ndetse n’imirwano yabereye mu Buraruko bwa Mali, vyoba biri mu vyamutumye aheba amabanga yari ajejwe y’ukuba umushikiranganji.

Twobibutsako General Soumeylou Boubèye Maïga umushikiranganji wo kwivuna abansi, yemeza ko mu mirwano yo kuva ku wa 17 kugeza ku wa 21 Rusama, babuze abasirikare bagera kuri 50 bapfuye, nayo abandi bagera kuri 48 bagakomereka cane, n’ibintu vyinshi vyononekaye.