Misiri : Abagandaguye umumenyeshamakuru batanguye guhagarikwa

Sentare yo mu gihugu ca Misiri inuganuga ko umumenyeshamakuru Mayada Achraf yagandaguwe n’intagondwa z’aba islamiste.

Umupfasoni Mayada Achraf yagandaguriwe i Kayiro mu misiri n’abantu batashotse bamenyekana, ariko ubutungane bukaba bumaze guhagarika umwe mu bagirizwa kuba barishe uyo mu menyeshamakuru. Uyo mupfasoni yakorera ikinyamakuru citwa Al-Doustour yarababaje abantu benshi muri ico gihugu.

Nk’uko amatohoza abivuga yagizwe n’umwe mu bacamanza b’i Kayiro, abantu batanu bari mu muhari w’aba islamiste bashigikiye Mohamed Morsi yakuwe ku butegetsi muri ico gihugu, nibo boba baragandaguye uyo mumenyeshamakuru, babanje kumwugururirako umuriro w’amasasu menshi. Amashirahamwe mpuzamakungu aharanira agateka k’abamenyeshamakuru hamwe n’amashirahamwe y’abamenyeshamakuru muri ico gihugu, akaba atera ivyatsi iyo ngendo mbi igayitse yo kwica abamenyeshamakuru.