Misiri: Abantu 50 baguye mu myiyerekano.

Mu kiganiro umugambwe Muslim Brotherhood watanze ku munsi w’ejo, wagirije igisirikare ubwicanyi bw’ikivunga, uhamagarira abanyagihugu bose kwiyamiriza igisirikare n’ibikorwa.

Ku ruhande rw’igisirikare, mu kiganiro cahawe abamenyeshakuru, igisirikare cahakanye ivyo kirerwa, kikaba casiguye ko cariko kirivuna nk’uko bisanzwe mu bikorwa vyaco vya minsi yose.
Igisirikare cemeza ko abitwaje ibirwanisho baje bashaka kwinjira ku nguvu mw’ikambi y’abasirikare bajejwe gucungera ubuzima bw’umukuru w’igihugu, batera amabuye n’ibindi biturika.

Umuvugizi w’igisirikare yemeza ko haciye haba kurasana hagati y’abari mu myiyerekano n’abasirikare, aho abapolisi babiri n’umusirikare umwe bahasize ubuzima.

Umukuru w’igihugu vy’’imfatakibanza, Adly Mansour yasubiriye uwahora aramutswa ico gihugu Morsi, yamenyesheje ko ababajwe n’ubwo bwicanyi, ahamagarira impande zompi kwigumya.